WeChat, Weibo leh Baidu chhui chiang

China rama social media platform lian - Weibo, WeChat leh Baidu Tieba-te chu cyber security law palzuta puh an nih avangin chhui chian mek an ni. 

Office for Cyberspace Administration chuan heng platform pathumte hian an site-a thil awmte an vil ṭha tawk lo niin a sawi a, mi tam takin firfiaka chetna kaihhnawih thil te, thu dik tawk lo leh thil mawi lo tak tak thehdarhna atan an hmang ṭhin niin a sawi. 

Weibo, WeChat leh Baidu Tieba hi khawvela social media platform lian zingah an tel a, China ramah a hmangtu pawh an pung chak hle. China ramah chuan thil post-te hi register phone number aṭangin awlsam takin a chhui theih a ni. 

Thla hmasa khan celebrity gossip site 60 chu kharsak an lo ni tawh bawk. May thla kha China chuan dan thar siamin, online news portal zawng zawngte chu Communist Party editorial staff-in an enkawl vek tura tih a ni. China ramah hian internet censor hi an kalpui na hle a, mipuite tana him tawk lo nia ngaih thu post-te chu an block loh pawhin an paihsak fo a ni. Search engine ṭhenkhat pawh block a ni a, heng zingah hian Google pawh a tel. 



Share this Post

Login to comment
No Comments