US senate-in health-care bill vote hun tur tikhawtlai

US Senate Majority Leader Mitch McConnell chuan health-care program siamṭhat, Repubican bill-a vote lak hun tur chu tihkhawtlai a nih thu a sawi. 

Republican bill hi President hlui Barack Obama singature health-care law, Obamacare tia hriat lar thlakna tura duan a ni. Republican member zingah he bill thar duh lo leh thutlukna la siam thei lo eng emaw zat an la awm a, hei vang hian Senate-ah hian a tlang ngei dawn em tih a la chiang thei lo. Republican pahnih, Rand Paul leh Susan Collins-te chuan bill dodal zawngin vote an thlak dawn tih an lo sawi tawh a ni. Senate-ah hian Republican lam hian 52-49 in hma an hruai a, mahse member pahnihin an thlawp dawn lo tih an sawi hnuah, Senator John McCain chu a dam loh avangin hun eng emaw chen a chawlh a ngai leh dawn a, hei vang hian debate neih pui tur vote hmuh ngai zat, vote 50 hi a hmu thei dawn lo nia ngaih a ni. 

Vote laknaah hian a duh lam leh duh lo lamah vote tla zat a in ang a nih chuan, Senate president, US Vice President Mike Pence chuan a vote hmanga chingfelin, bill hi pass theih a ni ang. 



Share this Post

Login to comment
No Comments