Venezuela-ah eptu pawlten mipui ngaihdan la

Venezuela-a eptu pawlte chuan nimin khan inthlanpui neih hma an duh leh duh loh chungchangah mipui ngaihdan an la a, mahse hei hi official-a buatsaih a ni lo. Eptu pawl hian President Nicolas Maduro leh a kaihhruai sorkar chu bang tura phutin thla thum zet nawrh an huaihawt tawh a, nawrh huaihawtnaa buaina chhuakah mi 100 dawn an thi tawh bawk.

Nimin zing dar 7 aṭang khan eptute hian vote hian thlakin, vote thlakna tur hi ram chhung hmun hrang hrangah centre 2,000 an siam a ni. 

President Maduro chuan nimina eptute vote lak hi dan kalh leh thil awmze nei lo niin a sawi. President hi an ram state institution ṭhiat a, ram danpui ziakṭha tu tur, assembly din thar a nih theih nan a campaign mek a ni. 

Eptuten mipui ngaihdan an lakah hian zawhna pathum zawh an ni a, sorkarin constitutional assembly a din tur chu an pawm em, ram danpui hmam mek chu sipaite hmanga humhalh an duh em, 2018-a Maduro-a term a tawp hma ngeia inthlanpui neih an duh em tihte zawh an ni. Vote laknaah hian sorkar hnathawkte chu tel lo tura tih an ni.



Share this Post

Login to comment
No Comments