Iraqi special force-te hma an sawn zel

Iraqi special force-te chuan Mosul-a Islamic State (IS)-te an beih kawngah hma sawn zelin, sipai-te chuan Mosul khawpui kianga Tigris River an thleng tawh nia tarlan a ni. 

Iraqi special force-te hian nikum October 17 aṭang khan Mosul khawpui lalet tur hian beihpui an thlak ṭan a, Mosul kianga thingtlang khaw eng emaw zat chu IS kut aṭangin an la let tawh a ni. Sipai-te hian khawpui chhak lam an la let tawh a, khawpui thlang lam te chu IS-te'n an la thunun thung. 

Mosul hi Iraq khawpui lian ber dawttu a ni a, IS-te'n hun eng emaw chen an awp hnuah, sipaite chuan laklet tuimin beihpui an thlak mek a ni. Special force-te hian Mosul chhak lama Hadba-ah IS mi leh sa 50 vel an kaphlum nia tarlan a ni. Hetih lai hian civil mi tam tak te chuan khawpui an chhuahsan thei lo a, khawpui chhuahsan tum mi eng emaw zat chu IS-te hian an kaphlum tawh a ni.


Share this Post

Login to comment
No Comments