US-in 'One China' policy a zahsak loh chuan China-in phuba a la ang : Tiwan President

Taiwan President Tsai Ing-wen chuan, US president-elect Donald Trump-a'n "One China" policy a zahsak lo a nih chuan China chuan phuba a lak ngei a rin thu a sawi. 

Taiwan President Tsai Ing-wen leh US senator Ted Cruz-te chuan Houston, Texas-ah meeting an nei a, he thu hi a sawi chhuak a ni. Tiwan president chuan, China-in "One China" policy a kalpui chu US chuan a zahsak a ngaih tih sawiin, a namnual sak a nih vaih chuan China sorkar chuan phuba a lakduh mai a rin thu hi a sawi a ni. He policy hi China-US inkungkaihna tichhe theitu a ni a, US sorkarin zah saklo a, a palzut lui a nih chuan China mipuite chuan an sorkar chu phuba laturin an nawr ngei ang, a ti. 

China foreign ministry thupuangtu Lu Kang chuan, Tiwan president leh Cruz-te'n meeting an nei chu China chuan a duh lo tih a puang nghal a,  Tsai Ing-wen chu China leh US inkar tih chhiat tumah a puh. Mahse Cruz chuan Tsai nen hian ram pahnih ten kawng hrang hranga thawhdunna ṭha zawk an neih theihna tura inbiakna a nih thu a sawi. Tsai hian Cruz bakah hian Texas governor Gregg Abbott pawh inbiakna a neihpui a, senator John McCain pawh ralthuam chungchangah inbiakna a neihpui nia tarlan a ni. 

Vice President-elect Mike Pence chuan Tiwan president-in US a tlawh chungchangah ngaihṭhat lohna tur a awm lo tih sawiin, China tan helh tur a awm lo, a ti.


Share this Post

Login to comment
No Comments