Vairengte leh Saihapui-V ten An khua tlawh lo turin ngen

Vairengte Joint VC leh Saihapui-V VC chuan thu­chhuah siamin, mimal leh páwl hrang hrangte chu ramri thilah an khua tlawh tawh rih lo turin an ngen.

Khaw pahniha VC-te chuan, Mizoram leh Assam sorkar inbiakna avangin boruak a ziaawm dawn nia a lan thu an tarlang a, "Hetiang a nih takah chuan, hripui boruak nen mimal emaw, páwl emaw ramri thilah lo kal tawh rih lo turin kan ngen a che u. In chungah thinlung taka lawmthu sawi chungin, kan ngenna min zahsak turin kan duh che u a ni," an ti.

Ramria buaina chung­changah Vairengte leh Saihapui-V VC-te chuan mipui thlàwpna an dawn ṭhat thu sawiin, "Political party, NGO leh mimal aṭangin ṭanpuina sum leh thâ ṭhahnem tak kan dawng a ni," an ti a; sorkar leh mipui chunga an lawm tak zet tih an tarlang a ni.