December 1-ah Medical College hawn tum

Union Health Ministry chuan Nilaini khan state leh union territory-te hnen­ah medical college chu Decem­ber 1 emaw a hmain emaw hawng  turin a hriattir.

Union ministry hian hriattir a pek rual hian guide­line/standard opera­ting procedure (SOP) chu ṭha taka zawm vek turin a hriattir nghal bawk. Hemi chungchangah hian senior health ministry official chuan state tin-a chief secretary-te leh UT-a administrator-te hriattirna lehkha thawn a nih thu a sawi.

National Medical Commi­ssion (NMC)-in  health ministry-ah  rawtna a thlen hnuah he hriattirna hi tihchhuah a ni. NMC chuan undergraduate medical training neihna tur atan hian medical college hopsital-te chu non-Covid bed ṭhahnem tham tak lo buatsaih lawk turin a rawt bawk. 

NMC hian MBBS zirlaite tana rawtna hi November 12 khan an tichhuak tawh a, December 1, 2020 emaw a aia hmaah emaw hawng turin a rawt a ni.  Kum 2020-21 academic session chu nakkum February 1-a ṭan tura ruahmanna kalpui a ni a, post graduate (PG) session chu nakkum vek July 1-a ṭan tura ruahmanna kalpui a ni bawk. 

Academic year kum 2021-22 PG NEET exam chu nakkum March-April-a neih turin  NMC chuan rawtna a siam bawk a ni.