Dec 31 thleng Int. commercial thlawhtheihna la thlawk dawn lo

Directorate General of Civil Aviation (DGCA) chuan nimin khan thuchhuah siamin December 31 thleng international flight an la thlawk dawn lo tih an tarlang a, special case bikah erawh route thlan bika thlawh phalsak erawh an awm dawn tih an tarlang tel bawk.

India ramah hripui lengin ziaawm lam a pan theih loh vangin Aviation Ministry lam hian thuchhuah thar hi an siam a, thuchhuah an siam hmasaah khan November 30 thleng international flight suspend a nih dawn thu tarlangin hei hi thla khat dang an pawtsei leh ta a ni.

Hetihlai hian Vande Bharat Mission hnuaia May thla aṭang khan India mi ramdanga awmte chu thlawhtheihna hmangin hruai haw an ni reng thung a, India hian hemi atan hian ram 18 lai air bubble pact siampuiin chung ram zingah chuan US, YK, UAE, Kenya, Bhutan leh France-te pawh an tel.

International flight tihtawp lailawk rih la ni mah se tualchhung passenger thlawhtheihna erawh thla hnih vel tihtawp a nih hnuah May 25 aṭang khan a service leh char char tawh a ni.