Nintendo Mobile Games-in $tld 1 sum hailut tawh

Tunhma deuh kha chuan Nintendo hian mobile game an siam duh ngai lo a, mahse 2016 chho aṭang khan mobile app lamah ṭan an la chho ve a, tunah chuan $ tluklehdingawn khat chuang mobile games 

aṭangin an hailut der tawh.

2017-a an game tlangzarh Fire Emblem Heroes hmang khan $ mtd 656 zet an lalut tawh a, Nintendo mobile game dang zawng zawng aṭanga an sum lakluh belhkhawm ai pawhin Fire Emblem Heroes 

aṭang ringawt hian sum an lalut hnem zawk a, mobile game aṭanga an sum lakluh zawng zawng 61% a tling hial.

Animal Crossing Pocket Camp aṭangin $ mtd 131 an lalut tawh bawk a, Dragalia Lost hmangin $ mtd 123 an lalut tawh bawk. 

Mi tin deuhthawin kan neih theih mobile phone a khelh theih tur games Nintendo-in an siam hi an tifuh hle niin a lang a, chutihlai erawh chuan an gaming console hrang hrangte chu an la hralh ṭha hle tho. Nintendo Switch game Pokemon Sword and Shield phei chu khawvela game hralh ṭhat ber zinga mi a la ni phak.