LIVA Miss Diva 2020 Adline Castelino

Miss Diva contest 8th Edition grand finale chu Inrinni khan Yash Raj Studio, Andheri West, Mumbai-ah neih a ni a, finalist 20 awmin Adline Castelino chu LIVA Miss Diva 2020 atan thlan a ni.

Aavriti Choudhary chu LIVA Miss Diva Supranational 2020 atan thlan a ni a, Neha Jaiswal chu LIVA Miss Diva 2020 - Runner Up a ni bawk.

Adline Castelino hnenah hian LIVA Miss Diva 2020 title hi Miss Diva Universe 2019 Vartika Singh chuan a hlan chhawng a, crown a khum tir a ni. 

Adline Castelino hian Miss Universe 2020-ah India ai a awh dawn a, Miss Supranational 2020-ah Aavriti Choudhary hian India ai a awh ve thung ang.

Grand Finale hi Malaika Arora chuan a host a hi.

Bollywood actor- Anil Kapoor, Aditya Roy Kapur, Miss Universe 2000 Lara Dutta, designer- Shivan leh Narresh, Miss Supranational 2014 Asha Bhat, Miss Universe Sri Lanka 2006 Jacqueline Fernandes, designer Nikhil Mehra leh designer Gavin Miguel-te chu judge panel-a ṭhu zingah an tel.

Adline Castelino hi May 24, 1998 khan Kuwait City, Kuwait-ah a piang. Kum 15 mi a nihin India-ah rawn kirin Mumbai-a khawsa a,  St. Xavier-a school a kal hnuah Wilson College aṭangin  business administration degree a nei a ni. Udupi, Karnataka khaw mi niin, Miss Universe 2020-ah India ai a awh ang.