Olympic qualifier-ah Jeremy

Jeremy Lalrinnunga chu April 17-29 chhunga neih tur 2019 AWF Senior (Men & Women) Asian Weightlifting Championship-ah a inlan dawn a, inelna hi 2020 Tokyo Olympic qualifier a nih nghal avangin a pawimawh hle.

Indian Weightlifting Federeation chuan Mizoram rawlthar ritchawi chak Jeremy chungah beiseina a neih san avangin 2019 EGAT's Cup International Championship-ah a inlantir tawh bawk a, China rama an fehchhuah hmasak hian silver medal a la.

Senior bika inelna a hmachhawn hmasa ber ṭum hian 67kg-ah a inlanin snatch (131kg) leh clean & jerk (157kg), total-ah 288kg a chawi a, bul ṭanna duhawm a ni. Mahse, Olympic inelna tak hmachhawn tur chuan kawng zawh tur a la thui hle.

Olympic-ah tling tur chuan championship paruk tal an khelh a ngai dawn. Category hrang hrangah April 30, 2020 a chhutin, ranking sang 14 chin an inlan phak dawn. Weightlifter pariat chu ranking sang pariat an ni dawn a, panga chu khawmualpui bik ranking sang leh, hmun ruak dang pakhat chu a thlengtu emaw sawm bik ram aṭangin a ni ang.



Share this Post

Login to comment
No Comments