Champion lai Osaka a tla

BNP Paribas Open hmeichhe singles champion lai Naomi Osaka chu Belinda Bencic hneh loin fourth round-ah a tla a, seeded pahnihna Simona Halep pawh Osaka hma hian a lo tla tawh bawk.

Nilaini zan California-a inkhelah world number 1 Osaka a che fuh thei lo, seeded 23-na Bencic hian 6-3, 6-1 in a hneh. Tun hnaia khel ṭha tak Bencic hian hnehna chang turin darkar khat chuang hret bak hun a mamawh lo.

Kum 21 mi Osaka chuan, "Ka khel ṭha tawk lo, tun ang dinmun sang ve tak ka luah laia hetiang result ka nei zauh ṭhin hi chu a pawi ka ti hle. Hliam leh na chu ka nei lo, hnehna chan tumin theihtawp pawh ka chhuah, mahse ka khingpui kha kei aia a khelh ṭhat zawk avangin a harsa a ni," tiin a sawi.



Share this Post

Login to comment
No Comments