Saina Nehwal an zai dawn

India nula badminton khel thiam Saina Nehwal chu a pum na vangin Swiss Open khelh a tumna aṭangin a inhnukdawk a, Olympic bronze medalist hi zai a ngai dawn hial.

Kum 28 mi Saina hi kar hmasa khan All England Open Badminton Championship-ah a inlan a, March 11 aṭang khan a pum na deuh mah se tun hma lama a lo hlawhtlin tawhna Swiss Open-ah tel ngei a tum. Amaherawhchu, amah enkawltu doctor-in inkhel lo tura a duh bakah, zai turin thurawn a pe ta zawk a ni.

World number 1 hlui Saina chuan, "All England-ah pawh khan match ṭhenkhat kha chu nuam lo deuh chungin ka inlan a ngai. Swiss Open-ah inlan ngei duh mah ila ka pum a nuam thei lo a, ka dinhmun endik a nih hnuah inkhel thei ka ni rih lo. A rang thei ang berin badminton court-ah ka inlan leh theih ngei ka beisei," tiin a sawi.



Share this Post

Login to comment
No Comments