FIA hotupa Whiting a thi

Motosports lama thuneitu sang Federation Internationale de l'Automobile director of Formula 1 Charlie Whiting chu nimin zing khan chuapa thisen zam fel lo vangin Melbourne-ah a thi a, kum 66 mi a ni.

Whiting-a hi tun kar tawpa intlansiak tur Australian Grand Prix-ah pawh kal tura ngaih a ni a, mahse beisei loh tak thihna in rang takin a nangching. Kum 1988 aṭang khan FIA tan hian a thawk tawh a, a tirah chuan technical director a ni.

FIA president Jean Todt chuan, "F1 tana mi ṭangkai leh pawimawh chungchuang a ni a, inpumkhat nan leh hmasawn nana tha thawhtu pawimawh berte zinga mi a ni. Formula 1 chuan a ṭhian ṭha leh hlu tak a chan a ni," tiin Whiting chungchang hi a sawi.

F1 boss Bernie Ecclestone-a team Braham tan chief mechanic leh chief engineer hna pawh a lo chelh tawh a, 1981 leh 1983 khan world champion an ni hial.

Motorsports Formula 1 manager director Ross Brawn chuan, "F1 huangah chuan Charlie nen hian hnuhma sawi dun tur kan ngah, ṭhian ṭha kan nih bakah mechanic kan ni dun a, khawvel hmun hrang hrangah intlansiakin hun kan hmang tawh.

"A thih thu ka hria hian min ti lungngai a, ka hrilhhai takzet. Ka tan chuan channa lian tak a ni a, kei chauh ni loin F1 mai bakah motosports chuan a mi pawhmawh berte zinga mi a hloh a ni," tiin a sawi.



Share this Post

Login to comment
No Comments