Tennis-ah shot clock

Mipa tennis thuneitu sang Association of Tennis Professionals (ATP) chuan 2020 aṭang chuan an inelna huangah shot clock an hman ṭan tur thu an tichiang a, he thu hian inhnialna a siam zui ngeiin a rinawm.

Shot clock an hmang a nih chuan point an hmuh aṭanga an service leh inkarah second 25 chiah hun a awm dawn. Hei hian inkhel hun chhung a ti rei lo deuh tura ngaih a ni a, player ṭhenkhatin hmanhmawh lo taka hun an khawhral ṭhin a ti nep tura ngaih a ni bawk.

Grand Slam zinga a hmasa ber turin 2018 US Open khan shot clock hi hman a ni tawh a, 2017 Next Gen ATP Finals-ah pawh hman a ni tawh bawk. Hmeichhe tennis thuneitu sang WTA chuan tun season aṭang hian premier-level tournament-ah chuan an hmang tawh a ni.

Ruahmanna thar hi thlawp tu an awm rualin duh lotu pawh an awm. World number 2 Rafael Nadal chuan, "A ngaihnawm leh hlimawmna pakhat a la bo ang," tiin tennis player ten fans lam tan boruak an siamna hun ṭha a thamral phah dawn niin a sawi.



Share this Post

Login to comment
No Comments