Intlansiakna hmunah Campbell a tlu

Jamaican distance runner Kemoy Campbell chu nimin khan 3,000m intlansiak an neih laiin tlan tluan zo loin a tlu a, damdawi in panpui a ngai hial a ni - he thu buatsaih lai hian a dinhmun chiang taka tarlan a la ni lo.

New York-ah Millrose Games neih niin, 1000m an tlan tlin hma deuhin Campbell hi buaipui ngaiin a awm. Track sirah enkawlna pek ni mah se a ṭhat mai loh avangin damdawi inah hruai a ni a, intensive care unit (ICU) ah an dah mek.

Campbell-a agent Ray Flynn chuan, "Thil thleng khan min barakhaih a, mahse tunah chuan Pathian zarah a dinhmun a ṭha chho zel niin kan hria," tiin a sawi.



Share this Post

Login to comment
No Comments