Westbrook-a'n Chamberlain a nihrual

Oklahoma City Thunder point guard Russell Westbrook chuan tun hnai a match hnuhnungah a zawnin vawi kua ngawt triple-double a nei ta a, kum 51 chhung zet record dinglai awm tawh Wilt Chamberlain-a sulhnu chu a nihrual chiah.

Nimin zing NBA inkhelah kum 30 mi Westbrook hian point 21 a neih bakah, rebounds vawi 12 lain ṭum 11 assists a nei bawk - a team Thunder hi Houston Rockets lakah 117-112 in hnehna a chan pui a ni. 

Thunder hian Thawhlehni zingah Portland Trail Blazers an hmachhawn leh dawn a, he inkhelah hian Westbrook-a'n triple-double a nei leh a nih chuan NBA history thar a siam dawn a ni.

Rockets hi chak lo mah se James Harden chet dan erawh sawi hmaih theih a ni lo. NBA Most Valuable Player nilai hian point 42 ngawt a score leh a, a zawnin match 29 chhung chu point 30 chuang a nei ziah!



Share this Post

Login to comment
No Comments