Bayern-in Hudson-Odoi an duh

Gerrman champion Bayern Munich chuan Chelsea winger Callum Hudson-Odoi an duh thu an pha lo a, club director of sport Hasan Salihamidzic chuan, "Lakluh kan duh takzet a ni," tiin a sawi. 

Bayern hian Hudson-Odoi hi pound maktaduai 35-a lakluh tumin an hel a, mahse Chelsea-ah hian thla 18 dang cham turin contract a nei mek a, Blues hian contract thar an zawrh bawk. 

Hasan Salihamidzic chuan, "Odoi hian kan team tana khel turin quality a nei a, ball a thiam a, goal khung turin theihna a nei a, theihna a nei sang em em a ni," tiin Blues player an duh thu a sawi.

Hudson-Odoi hian Chelsea tan tun season-ah match sarih chiah a la khel a, Premier League-ah inkhel bul ṭan a la nei lo a, match khat a khel ve tawh thung - FA Cup third round-ah khan Nottingham Forest hnehna inkhelah a inlan a, assist vawi hnih a nei. 



Share this Post

Login to comment
No Comments