Traffic jam vangin Burton an buai

Burton-in an club history-a a vawi khat nan major competition-ah semifinal an khel a, an fans 3000 zetin ticket nei mah se traffic jam vangin a hunah thleng thei lo an tam hle.

League One club ṭantu chuanna bus 31 zinga pakhat chiah inkhelh hma darkar khatah an thleng a, vanduai zual an awm bawk. Brewers ṭantu pakhat Emily chu anmahni huna dar 1:00-ah zan dar 7:45 a inkhel en turin London aṭangin a chhuak a, a tawp minute 15 chiah enin goal riat a hmu hman lo.

Emily hian a unaupa Edward-a ticket a kawl sak a, amaherawhchu ticket thlalak hi thawnin an pawm sak hlauh a, ani erawhin inkhel a en thei thung. Burton fans dang te thlir chuan Emily hi a vannei a, supporter ṭhenkhat chuan stadium chu sawi loh Manchester pawh an thleng thei lo a. Inkhela goal kaw lut ang thoin traffic jam vanga supporter thleng lo hian sawi zui a hlawh hle.



Share this Post

Login to comment
No Comments