Djokovic leh Murray an inkhel

Novak Djokovic leh Andy Murray te chuan Nilaini zan khan Australian Open inbuatsaih nan practice match an khel a, hliam vanga season hmasa hmang mumal thei lo Murray-a'n 6-1, 4-1 in hnehna a chang.

Grand Slam vawi thum champion tawh Murray hi nikum khan a khel bawr zai a ni a, a hnungzâng na vangin buaina a nei tawh bawk. Tun hnaiah match a khelh tlem avangin world ranking-ah pawh 230-na dinhmun a luah phak hram chauh a ni.

Murray ang lo takin Djokovic hian season duhawm a hmang thung. Serbian tlangval hian Wimbledon leh US Open nomawi a chawi a, kumina major tournament hmasa ber pawh world number 1 ni chunga a hmachhawn dawn avangin champion tura rinkai a ni ang.

Australian Open bikah hian Djokovic leh Murray te hi an intawng thei hle, final-ah vawi li inkhel tawhin Djokovic a chak vek. Tun ṭumah pawh hian player ngaihven hlawh an ni dawn a, Melbourne Park-a an inkhel chhin pawh hi fans 2,000 chuangin a hmunah an en.

Hard court inelna lian hi January 14 aṭanga khelh ṭan tur niin January 27-ah zawh tur a ni ang. Kum 31 mi Murray hi seeded a ni phak dawn lo a, hei vang hian a match hmasa lamah pawh player langsar dang nen an inhmachhawn nghal thei dawn tihna a ni.



Share this Post

Login to comment
No Comments