MPL8 khel tur hriat kim dawn

Mizoram Premier League khel tur zawnna playoff second leg chu vawiin chawhnu dar 1:30 hian Lammualah Ramhlun North leh Kanan FC ten an khel dawn. First leg-ah Ramhlun North-in 3-1 in an hnehna an chang a, Mizorama football inelna sang ber khel zel turin an dinhmun a ṭha hle.

Inelna kalhmang

Ramhlun North hi MPL khelh zawh takah khan point 11 an hmu a, pasarihnaa an awm avangin playoff an khelh a ṭul. Kanan FC hian Aizawl DFA hnuaia first division league-ah final an lut a, Aizawl DFA aiawhin FC Venghnuai nen qualifier an khel thung.

Qualifier-ah Kanan FC-in match hmasa bera FC Venghnuai laka an goal khung an humhim theih loh an tuar a, New Serchhip nen an inhnehtawk zui avangin pahnihna dinhmun an hauh a, MPL Playoff an khel thei chiah.

Playoff-ah hian away goal rule hman a ni a, first leg hi Ramhlun North 'home' anga chhiar a nih avangin minute 70-naa Kanan player Lalbiaknia Royte penalty khung chu first division club beiseina siamtu a ni. Kanan hian vawiin hian 2-0 a hnehna an chang a nih chuan away goal rule hmangin MPL an khel ang.

Team ṭha an dang

MPL Playoff-ah hian Chhinga Veng FC chiahin qualifier-a pahnihna nichungin MPL khel lai club an hneh thei a, history keu letin team ṭha zawk an chak ṭhin avangin Kanan FC hmabak a awlsam dawn lo.

FC Venghnuai chu season thara MPL khel turin an tling tawh a; Chhinga Veng FC, Aizawl FC, Mizoram Police, Chanmari FC, Electric Veng FC leh Chawnpui FC te chu MPL club ni sa niin hmunruak pakhat hi vawiin hian a hriat ang.



Share this Post

Login to comment
No Comments