Australian Open-ah Murray

Tun season chhunga Grand Slam tournament pathum khel thei lo Andy Murray chuan nakkumah ṭha taka bul ṭan theih a inbeisei a, January 14 aṭanga khelh tur Australian Open-ah inlan a tum thu a ti chiang.

Kum 31 mi Murray hi season liam ta khan a khel bawr na vangin a inkhel tam lo a, a inkhelh tlem avang hian world ranking lamah pawh pahnihna aṭangin 259-naah a hniam tawh - atan kum bul ṭan fuh a pawimawh dawn.

Champion lai Roger Federer chuan a vawi sarih nan champion a tum dawn bawk, Murray leh Federer te bakah Rafael Nadal leh Novak Djokovic te an la awm bawk avangin inelna hmuhnawm tak an chhawp chhuak ngei tura ngaih a ni.

Hmeichhe lamah US Open final-a a chet dan vanga sawisel hlawh Serena Williams pawh a inlan dawn. American star hian Grand Slam nomawi 24-na a nghak mek a, a elpui zingah tournament lian boruak zo tak tak an rawn chhuah mek zel avangin a kalkawng a awlsam bik lo ang.

Kum 37 mi Serena hian Japanese nula Naomi Osaka a hneh loh hnuah match a la khel leh lo a, season tawp lamah hliam tenau a neih bakah fa a neih tawh avangin inelna ṭhenkhat a hmachhawn lo. A thiam pariat tana buatsaih WTA Finals-ah pawh a inlan lo a ni.



Share this Post

Login to comment
No Comments