MSL aṭangin BC Bethlehem an tla

Tualchhung basketball inelna sang ber Mizoram Super League aṭangin BC Bethlehem an tla. Relegation playoff a hnehna changtu Zarkawt Serpents chuan MSL qualifier khelh huna pahnihna nen playoff an khelh leh a ngai ang.

Thawhlehni zan khan Hawla Indoor Stadium, Republic Vengthlangah playoff game 3 khelh a ni a, tawnhriat ngah zawk Serpents hian 95-81 in hnehna an chang - Zarkawt club tan R. Lalrinawma chuan point 30 neiin a thawhhlawk ber, ani bakah hian Hmingthanmawia, PC Lalremruata, Lalramropuia leh Samuel Lalramnghaka te chuan point 10 an nei tling vek bawk.

Serpents hian league round lamah BC Bethlehem hi an lo hneh tawh bawk a, beiseina sang tak nena MSL khel tur Bethlehem erawh league round-ah hneh loh an neih lo a, playoff game 2-a hnehna an chan bak chak ni hmel an hmu ta lo a ni.

Relegation Playoff

Game 1 : Bethlehem65 - 77Serpents

Game 2 : Serpents79- 78Bethlehem

Game 3 : Serpents95 - 81Bethlehem



Share this Post

Login to comment
No Comments