Messi pangana a ni hi a awm ang lo - Barca boss

Football khawvela mimal chawimawina ngaihhlut ber ang hiala chhal theih Ballon d'Or 2018-ah Lionel Messi chu pangana a ni pha chauh.

Barcelona coach Ernesto Valverde chuan, "Modric-a'n Ballon d'Or chawimawina a dawng hi kan lawmpui a, amaherawhchu Messi-a panganaa a awm pha chauh hi a awm ang lo hle a ni. Chutihrualin he chawimawina sem dan mumal lo tak erawh sawi chhunzawm zel ka tum lo," tiin a lungawi loh thu a sawi chhuak.

Messi hian season liam ta khan Europe-a goal khung tam ber niin a vawi nga nan Golden Shoe a dawng a, league-ah goal 34 khungin La Liga-ah an champion a, Copa del Rey an champion theih nan goal li a khung bawk.

Argentine forward Messi hian point 280 a hmu a, Real Madrid playmaker Luka Modric (753), Juventus forward Cristiano Ronaldo (476), Atletico Madrid striker Antoine Griezmann (414) leh Paris St-Germain forward Kylian Mbappe (347) te a tluk pha lo.



Share this Post

Login to comment
No Comments