City leh Liverpool ka beisei - Shearer

Premier League legend Alan Shearer chuan league nomawi chawi turin Manchester City leh Liverpool a rin ber thu a sawi a, team pahnih hi inum chho zel turah a ngai.

Newcastle United striker hlui chuan, "Manchester City leh Liverpool piahlamah hian league nomawi chawi thei tur ka hmu lo a ni," a ti a, Chelsea chungchangah, "Eden Hazard laka an innghat lutuk hi an buai phah mai thei.

"Hazard hian Jose Mourinho leh Antonio Conte pawh a lo champion pui tawh ngei a, mahse an striker pahnih Olivier Giroud leh Alvaro Morata te hi an form lutuk si lo a, Hazard hian goal khung a chawlhsan thut chuan an buai khawp ang," tiin a sawi bawk. 

Blackburn Rovers tana Premier League nomawi lo chawi tawh striker chuan Arsenal chungchang sawi nghalin, "Arsenal hi league match ruk chhung chu a zawnin an chak tawh tih ka hria.

"Mahse, an khel ka en khan Premier League nomawi chawi tur team ka hmu lo. A nihna dik takah chuan a sang paliah season an khar kher ang em tih hi ka buaina a ni zawk," a ti!

Shearer chuan, "Manchester United dinhmun en tur chuan table hnuai lam bih a ngai a, nomawi ni loin palina chu an tum tur a ni," tiin Jose Mourinho naute pawh a dim lo hle. 



Share this Post

Login to comment
No Comments