Malaga-in Pellegrini an chawimawi

Spanish club Malaga hming put chhan Malaga khawpui chuan an coach hlui Manuel Pellegrini an chawimawi a, Malaga City Council chuan an khawpuia kawng kual lun lai chu Manuel Pellegrini hming an chawitir.

West Ham manager hian Spanish club-a hun a hman lai khan an club chanchina an hun tawn duhawm ber a hmanpui a, 2011-12 season-ah khan La Liga-ah palina nihpuiin Champions League a khelhpui.

Champions League-a inlan ringawt pawh Malaga ang club tan chuan thil ropui a ni a, Chilean manager hian quarterfinal a hruai thleng zui. 

Kum 65 mi manager chuan, "He hmuna kum thum ka hman kha ka tan chuan hun duhawm tak vek an ni," a ti a, 2013-a Manchester City zawm tura a chhuahsan tak khawpui chu hmun nuam tak a nih thu a sawi.

Malaga hi season hmasa khan La Liga aṭangin an relegate a, mahse tun season-ah insiamṭha lehin Spanish second division match riat khelh tawhah hmahruaitu an ni mek.



Share this Post

Login to comment
No Comments