November thleng inlan thei lo tur McGregor

Khabib Nurmagomedov laka tlawm Conor McGregor chu Nevada State Athletic Commission (NSAC) chuan November 6 thleng fight hmachhawn thei lo turin an ti.

NSAC-in Irish fighter an suspend rih chhan hi chet dan dik lo emaw thil mawi lo thleng vang a ni hran lo a, UFC-a regular taka an neih ṭhin medical suspensions hmanga chawlhtir chauh a ni.

Medical suspensions hnuaiah hian fighter-te fight an neih zawh veleh doctor-ten an hriselna dinhmun leh an hliam a endik ṭhin a, fight leh mai tura hlauhthawnawma awmte chu chawlh an pe ṭhin.

UFC 229-a inlan zingah khan fighter 13 ngawt chu chawlh hi pek rih an ni a, chawlh pek zingah Khabib Nurmagomedov a tel ve lo a, a taksa lamah ngaihtuahawm a awm lo.



Share this Post

Login to comment
No Comments