Mizoram Chess Assn buatsaih Inter School Chess C'ship

Mizoram Chess Association chuan September 27-28, 2018 hian 7th Mizoram Inter School Chess Championship a buatsaih dawn a, he inelna hi category pali - Primary, Middle, High & Higher Section-a ṭhen tur a ni.

Electric Veng YMA Hall, Aizawlah inelna neih a ni dawn a, MCA chuan Mizoram chhunga school zawng zawng inelna hmachhawn turin a sawm.

Inelna hi Swiss league, Round 7 khelh a ni ang (30mins + 5secs increment). School pakhat aṭangin mi engzat pawh tel theih a ni a, result siamah erawh category tina a sang pali chin belhkhawm a ni dawn.

Entry fee hi school pakhat zelah Rs 300 a ni a, zing dar 8:30 aṭangin inelna hmunah pek tur a ni. Inelnaah hian a sang pathum chin tan mimal lawmman siam a ni dawn bawk.

Lawmman atan hian Rs 61,300 sem ral a ni ang a. Category tin lawmman leh mimal lawmman a awm dawn bakah special prize pathum best participate school, youngest chess player leh best girl a awm dawn a ni.



Share this Post

Login to comment
No Comments