Zonet WC Xtra-ah Jeje leh a pu

Zonet World Cup Xtra chu zanin dar 9:00 aṭangin ṭan a ni dawn a, India striker Jeje Lalpekhlua leh amah chher liantu Colm Toal kawmna aṭangin ṭan a ni ang.

British coach Colm Toal hian Tata Trusts-in India ram hmun dang elpha tura Mualpui, Aizawla football academy an din Centre of Excellence-ah head coach hna a chelh mek.

A inkhelh hun laia English club AFC Wimbledon tana khel tawh leh AIFF-a technical director hna chelh tawh hian India Junior team a enkawl laiin Jeje hi a enkawl tawh a. Hnahthial tlangval hi inhiam vanga harsatna a tawh lai pawhin Colm Toal hian a ring tlat a, tun hun hi a thlen phah.

I League leh ISL-a Mohun Bagan leh Chennaiyin te champion pui tawhtu Jeje leh Colm Toal te chanchin hi Mizo football history-ah a pawimawh a, India rama Mizote kan hming ṭhat theihna chhan pakhatah a ngaih theih. British coach ngeiin England leh Croatia inkhel tur a thlirna hi a ngaihnawm ang.



Share this Post

Login to comment
No Comments