Wilder-a'n UK pan a remti

WBC heavyweight champion Deontay Wilder chuan Anthony Joshua-a'n UK-a inhnekpuia a sawmna chu an pawm thu a sawi. 

Kum 32 mi boxer chuan, "USA-a min hmachhawn a duh chuan dollar maktaduai 50 kan pe ang kan tih kha a duh chuan a la pawm theih reng a, hetihrual hian UK kher a duhna pawh kan pawm ta e," tiin duhthlanna chu Joshua kut a nih thu a sawi.

Wilder-a'n twitter lama he thu a tarlan hnuah hian a manager Shelly Finkel chuan UK-a WBA, IBF leh WBO champion Joshua hmachhawn an remtih thu ESPN a hrilh a, "Deontay hian Joshua hnenah mail-in a hrilh a, keiin Barry Hearn leh Eddie te ka hrilh thung," a ti.

Joshua leh a promoter Eddie Hearn ten he thu buatsaih lai hian Wilder hi an la chhang lo a, Hearn hian Wilder te hi social media lama an ṭawng nasat avangin an lo sawisel tawh.



Share this Post

Login to comment
No Comments