Grass-ah Federer leh Djokovic inlan dawn

Clay court season a zo a, tennis khel thiamte chu grass lamah an inlan zui leh tawh dawn. Wimbledon inbuatsaih nan tournament hrang hrang khelh a ni dawn a, world number 2 Roger Federer leh Novak Djokovic te an inlan nghal ang.

Kum 36 mi Federer-a'n season hmasa ang bawkin French Open a khel lo a, a ngainat ber Wimbledon inbuatsaih nan tunkar chhung hian a vawi thum nan Stuttgart Cup a khel ang. 

Grand Slam vawi 20 champion tawh Federer hi tun dinhmunah world number 2 a ni mek a, a tluk loh chu Rafael Nadal chiah a ni. Stuttgart-ah hian final a thleng phak a nih chuan Nadal tlanpelin a chung berah a awm thei dawn a ni.

Serbian tlangval Djokovic pawh Queen's Club lamah a inlan dawn. He hmunah hian tun hnai kum riat chhunga a vawi khat inlanna tur chiah a ni a, major title 12 zet la tawh Djokovic hi tun hnaiah a ranking a hniam bakah a inlan ngai lohna hmun a nih avangin wildcard pek a ngai.

Kum 31 mi Djokovic chuan, "Wimbledon inbuatsaihna ṭha tak a ni dawn a, British mipui hmaa inkhelh hlan ka nghakhlel tawh hle," a ti. Queen's Club-ah hian player an inlan langsar dawn hle, ranking-a a sang 30 zinga 17 zet chuan an khelh tur thu an sawi tawh a ni.



Share this Post

Login to comment
No Comments