World Cup-ah Goal difference en tur

Football danpui FIFA Laws of the Game a awm a, hetah hian football dan kimchangin a awm. Chutihrualin inelna buatsaihtu lamin an duh danin dan an siam thei a, FIFA World Cup-ah chuan UEFA Champions League-a an dah pawimawh head to head aiin goal difference dah pawimawh zawk a ni.

Hei le, FIFA World Cup-a an dan hman chu :

A. League format-ah chuan a hnuaia dan ang hian group tina team-te ranking siam sak tur a ni.

a) group match-a point hmu sang ber chu dah hmasak tur a ni.

b) group match pumpuia goal difference nei ṭha.

c) group match pumpuia goal khung tam.

Heng tehna pathum en hnua team pahnih emaw a aia tam point a la inang cheu a nih chuan a hnuaia dan hi en leh tur a ni ang.

d) (Head to head) team en bikte intum kualna bika point hmu sang ber chu dah hmasak tur a ni. 

e) team en bikte intum kualnaa goal difference nei ṭha.

f) team en bikte intum kualnaa goal khung tam.

g) group match-a an fair play conduct-a (Yellow card leh red card hmuh dan) point hmu ṭha chu dah pawimawh hmasak tur a ni.

– yellow card: minus 1 point

– indirect red card: minus 3 points

(match khata yellow card vawi hnih a hmuhin)

– direct red card: minus 4 points

– yellow card leh direct red card: minus 5 points

Match khatah chuan a chunga tarlan point pali zinga pakhat chiah hi player pakhat chungah lekkawh theih a ni.

h) An la intluk cheu chuan  FIFA Organising Committee-in ṭhum a vawr ang

B. Knockout chinah chuan minute 90 chhunga chak zawk an awm lo a nih chuan extra time (15+15) khelh a ni leh ang a, an inhnehtawk a nih chuan penalty shootout hmanga chak zawk zawn a ni ang.

C. Penalty shootout hmanga chak zawk zawn a nih chuan dan pangngai 'ABAB' format chu la hman tur a ni a. Kalphung thar ABBA format erawh zirchianna la neih chhoh zel a ni.



Share this Post

Login to comment
No Comments