Trainers Training an zo fel

Mizoram hmun hrang hrang 25-a Grassroot Badminton Programme kalpuina tur Trainers Training chu April 14, Inrinni khan Ramhlun Indoor Stadium-ah zawhfel a ni a. Mizoram Badminton Association, Pullela Gopichand Academy, Tata Trust leh Mizoram State Sports Council te ṭangkawpin an buatsaih a ni a, awmze neia Mizoramin badminton a hma a sawn theih nan ruahmanna siam chhoh mek a ni.

Trainers Training hi centre hrang hranga coach tur 32 te chuan an chhim a, training hi Gopichand Academy chief coach Rajender Kumar leh a hoten an kaihruai a, India badminton star Parupalli Kashyap pawhin bul a rawn ṭanpui bawk.

Grassroot Badminton Programme hi ruahman dan chuan centre 25-ah bul ṭan tur a ni a, centre 40 thlenga tih belh tura ruahman a ni a, ruahman dan chuan grassroots programme hi thla thar May 

aṭanga ṭan tum a ni.



Share this Post

Login to comment
No Comments