JH-a tan title pahnih

All India Tennis Association buatsaih, AITA Talent Series Tennis Tournament 2018 chu April 9-13 chhung khan Puri, Odisha-ah khelh a ni a, Mizo naupang JH Lalhruaizela chu under 14 inelna huangah singles leh doubles champion a ni.

Ramhlun Sports Compex veng naupang JH-a hian final-ah seeded pakhat Yash Raj Nayak chu 6-2, 6-0 a hnehin singles title a la. Doubles lamah pawh Bengal naupang Vayam Krishna nena ṭang dunin seeded pakhatna tho, Yasraj Nayak leh Arnav Manral te ṭangdun chu 7-6, 6-1 a hnehin an champion bawk.

Lalzuia Open champion lai JH-a hian tualchhung inelna lamah chuan hnuhma a hnutchhiah 

ṭha tawh hle bawk, kum bithliah inelna huanga a inlan tawhnaah chuan a champion vek tawh. Nikum February thla khan JH Lalhruaizela hi Saitual naupang Lalrinmawia nena ṭangdunin Khelo India Tennis Tournament doubles-ah bronze medal an la a, MTA hnuaia national medal hlawh chhuak hmasa ber an ni

JH-a coach B Lalruatthara chuan, "JH-a hi hnam dang zingah pawh player ṭha tak a ni a. All India level-ah a champion thei hi a lawmawm hle. Tun aia sang zawk pawh hi a la thlen theih ka beisei," tiin Vanglaini a hrilh.



Share this Post

Login to comment
No Comments