AFC Cup khel tur Aizawl FC-in Maldives thleng

Aizawl FC chuan Nilaini tlai dar 4:30 hian Maldives National Football Stadium-ah New Radiant an hmachhawn dawn. Mizo club hian AFC Cup khel tur hian Male, Maldives hi Pathianni zan khan an thleng a, nimin zing khan training an ṭan.

AFC Cup-ah hian Aizawl FC hi Group E-ah Maldives club New Radiant bakah ISL final lut tawh Bengaluru FC leh Bangaleshi club Dhaka Abahani te nen an awm ho a, vawi hnih ṭheuh an inkhelh kual zawhah team khat chauhin inter zone playoff semifinal an thleng ang.

Radiant hian an match hmasa berah Dhaka Abahani chu Ali Fasir-a goal hmangin an hneh a, Indian club pahnih Aizawl FC leh Bengaluru FC inkhelh hun erawh April 5-ah sawn a ni.

Aizawl FC hian squad tihchhah nan H. Lalmuankima chu ISL club Goa FC aṭangin loan hmangin an la let a, amaherawhchu AFC Cup-ah hian AFC Champions League an khelh ṭuma squad bawk chhawr a ṭul dawn avangin Bawngkawn tlangval hian Asia ram inelna sang ber dawttu hi a hmachhawn thei dawn lo a, Super Cup-ah erawh a inlan thei thung ang. 

Aizawl FC Squad 

Goalkeepers : Lalawmpuia, Avilash Paul

Defenders : Lalramhmunmawia, Masih Saighani, Laldinliana Renthlei, Lalchhuanawma Varte, Lalrosanga Chawnghlut, Lalrozama Fanai

Midfielders : Alfred Kemah Jaryan, Albert Zohmingmawia, S. Malsawmtluanga, Lalṭhathanga Khawlhring, Andrei Ionescu, David Lalrinmuana

Forwards : Zikhi Leonce Dodoz, Lalkhawpuimawia, Jonathan Lalrawngbawla

Coaching Staff : Hmingthansanga (Manager), Santosh Kashyap (Coach), Zothanpuia Rokhum (Physio), Jonathan Lalbiakkima (Asst. Manager), B. Malsawmzuala (Asst. Manager)



Share this Post

Login to comment
No Comments