Roma-in Alisson tan an duh hnem

Europe-a tun hnaia keeper 'hot' ber pawl Alisson chu a lei duh tan lei theih a ni dawn. Mahse, Brazilian keeper lei duh chuan AS Roma hnenah euro maktaduai 50 tal an pek a ngai dawn thung niin khawthlang media te chuan an tarlang.

Liverpool, Real Madrid leh Paris Saint-Germain-in lei an duh nia sawi keeper hian season hmasaah Wojciech Szczesny tluk loin first choice dinhmun luah phak lo mah se tun season-ah erawh Roma tan rinrawl a ni a, Europe club lian tan a neitu ni tur erawh chuan insen hnem deuh a ngai dawn tihna a ni.

Roma hian nipui transfer-ah midfielder Kevin Strootman an chan dawn niin a lang bawk. Dutch midfielder hi AC Milan, Liverpoool, Manchester United leh Inter Milan ten an duh nia sawi a ni a, a contract neih laiah, "Euro maktaduai 45-a ngam an awm chuan a chhuak thei ang," tih a tel.

Tun hnaia transfer bazar-a sum che vel ngaihtuahin Alisson leh Strootman man hi to tak ni erawhin a lang lo a, season tharah Premier League lamah an hmel kan hmu a nih pawhin a mak lo ang.

AS Roma hian Champions League last 16-ah zanin dar 1:15 hian Shakhtar Donetsk an mikhual dawn a, inkhel hmasa zawkah 1-2 a an tlawm avangin quarterfinal lut tur chuan hnehna an chan ngei a ṭul dawn a ni.



Share this Post

Login to comment
No Comments