Dortmund chakna Batshuayi

Pathianni zan Bundesliga inkhelah Borussia Dortmund chuan Michy Batshuayi goal hnih hmangin an mikhual Eintracht Frankfurt chu 3-2 in an hneh a, table-ah pathumna dinhmun an luah chho leh ta.

Season thara Champions League khelh tum pahnih inkhelah Frankfurt defender Marco Russ-a'n anmahni lamah a ti lut palh a, first half chhungin goal dang a lut zui tawh lo.

Inkhel chawhnu lamah Frankfurt hian Luka Jovic hmangin an si phurh an sut a, bench aṭanga rawn lut Batshuayi-a'n an hmahruai vawi hnihna goal khung mah se minute 90-naah Danny Blum hmangin an sut leh.

Westfalenstadion-ah Dortmund-in point thum hmuh ngei an tum, na taka nawr let nghalin Chelsea aṭanga loan hmanga an hawh Batshuayi chuan hun tawp rualin chakna goal a khung - Bundesliga club tan match kua a khelh aṭanga a goal sarihna chiah a ni.



Share this Post

Login to comment
No Comments