Halep-i'n last 16 lut

Hmeichhe tennis world number 1 Simona Halep chuan, American tleirawl Caroline Dolehide chu 1-6, 7-6 (7/3), 6-2 a hnehin WTA Indian Wells khelh mekah last 16 a lut.

Romanian nula Halep hian vawiin chawhnu lamah Wang Qiang a hmachhawn leh dawn. Pathianni zan inkhel dangah China nula Wang hian seeded 14-na Kristina Mladenovic chu 6-1, 6-2 in a hneh ve bawk.

Kum 26 mi Halep hian 2015 khan California-ah hian nomawi a lo chawi tawh a, kuminah hian a vawi hnih nan champion a tum mek. Halep hian Dolehide hneh turin aces vawi hnih a siam a, double faults nei miah loin darkar khat leh minute nga chhungin a khingpui service hi vawi nga a chhuhsak thei.

Tun season chhunga match 17 a khelh zinga vawi 16 hnehna chang thei Halep chuan, "Ka beidawng ngai lo, kan inkhel a nih chuan chak lo zawk turah ka indah lawk ngai lo. Inrintawkna ka nei a, a tawp thlen ka tum hle," tiin a sawi.



Share this Post

Login to comment
No Comments