Minerva Punjab an kal zel

I League hmahruaitu Minerva Punjab chuan an result duhawm an chhawm nung zel a, Thawhlehni zan khan an hmahruaina chhawm nung turin Chennai City chu 2-1 in an hneh. 

Minerva khelmuala inkhelah hian Chennai City tan Jean Michael Joachim chuan minute ngana lekah goal hmahruai a khung a, chawlhlawk thlenga Punjab club-in an si phurh an sut theih loh avangin an tlawm dawn niin a lang hman.

Mahse, chawlhlawk hman a nih hnuah mualneitu club hian an zia tak tak an pholang ṭan a, William Opoku chuan minute 48-naah an si phurh sutin Kassim Aidara-a'mn minute 59-naah an goal hnihna a khung chhunzawm leh bawk avangin Punjab club an chak. 

Minerva hian I League match li an khelh tawhah point 10 hmuin hmahruaitu an ni mek a, Chennai City erawhin match thum khelhah chak hmel la hmu loin point khat chiah an la nei thung.



Share this Post

Login to comment
No Comments