Arrows tan Minerva an ṭha lua

Thawhlehni zan Indian Super League inkhelah Indian Arrows chuan Minerva Punjab an mikhual a, Chennai City laka 3-0 a chak hlim team hi phur viau mah se Minerva hmaah 2-0 in an tlawm - Punjab club hian match thum an khelh tawhah tlawm hmel an la hmu lo. 

Minerva tan hian Ghanaian midfielder William Opoku Asiedu chuan goal hnih a khung a, minute sarihnaah a goal hmasa zawk khungin minute 84-naah goal hnihna a khung leh bawk.

Middlesbrough midfielder hlui William-a goal hmasa zawk hi goal ropui a ni a, kum 20 mi lek a la nih bawk avangin Ghana U20 international hian Indian football-ah a hming chher turin theihna a nei sang hle.

Indian Arrows coach Luis Matos-a'n 4-5-1 formation a hman avangin ṭum dang ang bawkin Edmund Lalrindika chu tlarhmaah a mal tlat a, Arrows-in Bengaluru FC aṭanga an hawh Lunglei rawlthar hian Chennai laka a khelh dan ang bawkin a khel ṭha a, tun ṭumah erawh hnehna a chanpui zo lo.



Share this Post

Login to comment
No Comments