Netherlands tan Koeman a ṭha ang - Forster

Southampton goalkeeper Fraser Forster chuan Saints lama a pu hlui Ronald Koeman chu Netherlands enkawl tura coach ṭha tak a nih a rin thu a sawi. Koeman hi thla hmasa khan Everton chuan a hna aṭangin an chawlhtir a, tun dinhmunah hna nei loin a awm mek. 

Netherlands hian zanin dar 1:30-ah Romania nen friendly match an khel dawn a, tuna an coach ni mek Dick Advocaat chuan Romania nen an inkhelh zawhah hian an ram team enkawl hna chawlhsan a tum. World Cup inpetkai zo lo Netherlands coach thar tur hi an inrinsiak mek a, Koeman hming hi a ri ring pawl a ni. 

Forster chuan, "A hmaa inchhawp hna chu harsatna nei loin Koeman hian a thawk thei ang. Manager ropui tak a ni a, club a ni emaw, international team pawh ni se, harsatna nei loin a enkawl thei ang tih ka chiang a ni. Manager ṭha tak a nih avangin Dutch team hi enkawl lo pawh ni se club ṭha tak enkawl tur a hmu thuai tho ang tihah hian ka chiang a ni," tiin a pu hlui chu a ringtawk hle.



Share this Post

Login to comment
No Comments