Isco dinhmun a chiang lo

Pathianni zing khan Spain chuan friendly match-ah 5-0 in Costa Rica an sawp a, Real Madrid tan chanchin lawmawm lo a thleng thung - Isco chu hliam vanga lakchhuah a ngai a, Inrinni zana Atletico Madrid nen an inhmachhawn hunah Real attacking midfielder hi a inlan theih dawn leh dawn loh a chiang lo. 

Isco hi Costa Rica defender Kendall Waston nen ball an inchuhna lamah a inhliam a, a hnuah khelh luih tum mah se a theih loh avangin thlak a dil. Hetiang a nih takah chuan kum 25 mi midfielder hian dam chiang var tur chuan Atletico a hmachhawn loh a rinawm tawh zawk.

Hetihlai hian Real-in khawvela player manto ber ni tura an lo lei tawh Gareth Bale chu a inhliam belh a, Welsh forward hian khelmual pawn lamah thla khat dang chu hun a hmang dawn niin a lang - Real boss Zinedine Zidane tan chuan Madrid derby-a a player pawimawh pahnih chhawr theih loh hi a pawi khawp ang.



Share this Post

Login to comment
No Comments