India aiawhtu PMS Dawngliana

November 11 khan Mixed Martial Arts World Championship 2017 inelnaa tel turin Mizo fighter PMS Dawngliana chuan Bahrain a pan a, Kawrtethawveng tlangval hi Indian fighter thlanchhuah 11 zingah telin India aiawhin a feh chhuak a ni. 

Ram 250 aṭanga fighter 250 chuang inhmachhawnna tur inelna hi Pathianni khan a hawnna neih a ni a, he hunah hian fighter inhmachhawn tur draw neih nghal a ni bawk. Mizoram Fight League-a hming langsar ber pawl PMS-a a vannei a, first round-ah bye-in Ireland leh Tajikistan fighter inhmachhawna chak zawk zawk a tum dawn - vawiinah fight a hmachhawn ang. 

Flyweight (-57 kg) huanga inelna hmachhawn tur PMS-a bakah hian Samuel Lalrozama Hmar chu referee & judge ni tura mi 22 thlanchhuah zingah a tel a, MISMA president Lalṭhakima chu Indian team manager a ni bawk.



Share this Post

Login to comment
No Comments