Dortmund-in Barca dawrna an hnar

Pound maktaduai 200-a Neymar hralh hlim Barcelona-in an duh lam lam hawi zawngin sum an chelek a, an duh ang tak player erawh an nei thei chuang lo - Liverpool-in Philippe Coutinho lakluh an dilna an hnawlsak hnuah Borussia Dortmund rawlthar duhawm Ousmane Dembele lakluh an tumna chu hnawl a ni leh ta.

German club chuan Barcelona hotute nen indawrna an neih ngei thu leh an beisei ang zat sum erawh an hmuh loh thu an tarlang nghal a, "Dembele hi a chhuah loh a rinawm zawk," tiin an sawi. Hetihrual hian kum 20 mi forward hi club training-naah hmuh tur a awm lo a, rei tak biak theih loh a nih hnuah Dortmund-ah a awm tih hmuhchhuah niin Thawhṭanni thlenga club training zawm thei lo turin suspend a ni.

France tana vawi sarih inlan tawh Dembele hian May 2016 khan Ligue 1 club Rennes aṭangin Dortmund hi a pan a, kum nga chhung atan contract ziakin hetihlai hian a man zat tarlan a ni lo. Dortmund hian an rawlthar duhawm manah hian pound maktaduai 135 tal an beisei nia sawi a ni a, heti zata an hralh thei a nih chuan Barca hian Reds midfielder Coutinho an beisei chhunzawm kherin a rinawm tawh lo.



Share this Post

Login to comment
No Comments