Ramil Guliyev umphak an awm lo

World Athletics Championship neih mekah Ningani zan khan Ramil Guliyev chuan 200m intlansiakah gold medal a dawng leh ta. Turkey tlangval hian khawvel pum intihsiakna lianah hian an ram tana gold medal hmasa ber a hlawh chhuak.

London Stadium-a intlansiakah second 20.09 chhunga thlengin pakhatna dinhmun a luah a, a hnungah hian Van Niekerk (20.11 seconds) leh Jereem Richards (20.11) ten an thleng bawk.

Kum 27 mi Guliyev hian tun hmain World Championship-ah gold medal a la dawng ngai lo. Ama puala gold medal hmasa ber a nih rualin an ram Turkey tan gold hmasa ber a hlawh chhuak bawk a ni. Guliyev hi Azerbaijan khawpui Baku-a piang leh seilian a ni a, mahse an pemna ram Turkey tan inelna lamah chuan a inlan thung.

Kartir lam khan tun ṭuma pahnihna Van Niekerk hian 400m-ah gold medal a dawng tawh a, tun ṭumah hian pakhatna ni thei sela chuan Michael Johnson-a'n kum 1995-a record a lo siam tawh chu a nihrual thei dawn. Mahse, besei loh takin Guliyev hnungah a thleng ta zawk a ni.



Share this Post

Login to comment
No Comments