ATK-ah striker thar

Indian Super League-a vawi hnih champion tawh Atletico de Madrid chuan Portuguese striker Jose Egas dos Santos Branco an lalut. Zequinha tia hriat hlawh striker hian FIFA Under 20 World Cup 2007-ah khan Portugal youth team tan pawh a lo khel tawh a, G.D Tourinzense, F.C Penafiel leh Gondomar S.C tan a lo khel tawh.

Zequinha hian season hman zawh takah khan Portuguese league sang ber club C.D. Nacional tan a khel a, mah se 18-na dinhmun an luah avangin divsion hniam lamah an tla thla a, tunah chuan ATK tan a khel dawn ta. Kolkata club hian Manchester United striker hlui Teddy Sheringham enkawlna hnuaiah an khel dawn a, Bengaluru boss hlui Ashley Westwood chu technical director niin Indian player langsar zingah, Debjit Majumder, Ashutosh Mehta, Jayesh Rane, Eugeneson Lyngdoh leh Robin Singh  te an lalut bawk.



Share this Post

Login to comment
No Comments