Reds tan 'Salahbration Time'

Liverpool chuan Zirtawpni zan khan  Wigan Athletic nen pre-season friendly match an khel a, 1-1 in an inhnehtawk - Reds ṭantute tana chanchin lawmawm chu an player thar Mohamed Salah-a'n Liverpool tana a match hmasa berah goal a khung nghal a, Reds fan-ten Premier League-ah 'It's a Salahbration Time' tia zai hlan an nghakhlel sawt ang.

Jurgen Klopp-a'n first half leh second half-ah first eleven a thlak danglam hlawk a, Salah, Philippe Coutinho, Adam Lallana leh Roberto Firmino-ten inkhel bul an ṭan ho a, Reds ṭantute tan chuan khelmual chhunga player pali 'inhriatthiam' tawnna chu mit titlaitu an ni - season ṭan hun nghakhlel takin an thlir.

Beisei loh takin Wigan lamin goal an khung hmasa zawk a, League One club tana goal khungtu hi Alex Gilbey niin minute 21-naah a khung. Mahse, minute 45-naah Reds tan pound maktaduai 34 man Salah chuan si phurh a sut a, Firmino siamsak a ni. Goal dang erawh hmuh tur a awm tawh lo.

Liverpool first half (4-3-3): Mignolet; Alexander-Arnold, Matip, Klavan, Flanagan; Wijnaldum, Lallana, Salah; Woodburn, Coutinho, Firmino

Liverpool second half (4-3-3): Karius; Gomez, Stewart, Lovren, Milner; Henderson, Grujic, Chirivella; Solanke, Sturridge, Origi



Share this Post

Login to comment
No Comments