Indian shuttler an tla kim

Canada Open Grand Prix khelh mekah Indian badminton star ten beisei an phak lo, Inrinni khan Manu Attri leh B Sumeeth Redddy te ṭangdun chu mipa doubles quarterfinal-ah an chak lo a, Indian shuttler an tla kim.

Champion lai Attri leh Redddy te hi darkar chanve chhungin Kim Won Ho leh Seung Jae Seo te lakah 12-21, 15-21 in an chak lo. Mixed doubles lamah pawh seeded pahnihna Pranaav Jerry Chopra leh N Sikki Reddy te chu Korean duo Kim Won Ho leh Shin Seung Chan te nen darkar khat leh minute hnih an inkhelh hnuah 17-21, 22-20, 18-21 in an chak lo bawk.

Canada-ah hian mipa singles-ah H S Prannoy leh Sameer Verma te chu beisei phak loin an zinkawng a tawp tawh bawk a, tunkar chhunga khelh tur US Open Grand Prix Gold-ah inlan zui leh tura beisei an ni.



Share this Post

Login to comment
No Comments