A nu tan Lee Selby

Lee Selby chuan a vawi thum nana IBF world featherweight title a humhimna ni turin Jonathan Victor Barros chu unanimous points-in a hneh a, a hnehna channa zat hi 119-108, 117-110 leh 117-110 a ni.

Kum 30-a upa Selby-a'n inhnek a hmachhawn hma ni liah a nu chu nat lawk pawh awm loin a thi a, hetichung hian a kawnghren humhim turin ring chhung a rap. Welsh boxer rorum chuan, "Hnehna ka chang ta a, ka nu tan ka hlan a ni," a ti.

Selby chuan a nu thihna chungchang sawilang nghalin, "Ka team-te hnenah ka nu chungchang engmah sawi lo turin ka ti a, keipawhin ka phone ka off hmak. Ring chhung ka rah hma khan lunglennain min bual a, mahse midang hnenah sawi ni ila chu ka talbuai ang. Tunah chuan hnehna ka chang ta a, ka nu tan ka hlan a ni," tiin a sawi.

Vawi 26 inhnek a hmachhawna vawi 25 chak thei Selby chuan, "Huaisen taka engkim hmachhawn ṭhin mi ka ni a, ka nunah eng thil pawh thleng se huai takin ka bei zel ang," tiin a nu thihna avanga a inhnek tur a ṭhulh loh chhan a sawi bawk.



Share this Post

Login to comment
No Comments