Huddlestone-a'n Derby lam a pan
 Derby County chuan Hull City aṭangin midfielder Tom Huddlestone an lalut a, a man zat hi puanzar ni lo mah se pound maktaduai hnih bawr vel ni tura ngaih a ni. 

Kum 30-a upa midfielder hian kum hnih cham turin contract a ziak a, a ṭul dan a zirin kum khat dang pawhsei theih a ni ang. England tana vawi li inlan ve tawh Huddlestone hian Derby-ah hian a professional career a ṭan a, kum 2005 khan Tottenham Hotspur a zawm. Spurs-a a cham chhung hian match 209 khelin goal 15 a khung sak a, kum 2013 khan Hull-ah pound maktaduai ngain a insawn.
 Hull tana season li khel hman midfielder chuan, "Derby-in min lakluh an duh tih ka hriat khan inngaihtuah buai ka ngai tawh lo," a ti a, a chawr chhuahna club-a a kir leh thei chu a lawm hle.

Share this Post

Login to comment
No Comments